Ua molia le pagota na a’e i luga o le taualuga o le toese i Canterbury i le faaiuga o le vaiaso, ma e lē gata na tapunia ai ma le toese ae na alu foi faaleaga meatotino.

O le latalata i le itula e 4 i le afiafi o le Aso Sa lea na tupu ai i le toese i Rolleston, ma o le faalua ai lea ona tupu o osofaiga faapenei i le toese lava lea i totonu o le 6 vaiaso.

I se lipoti mai le pulega o le toese, o lea na vave iai le aufaigaluega ma taumafai e faanofo filemu, ma pe ā ma le itula mulimuli ane ae toe sau i lalo e aunoa ma nisi lava fefinaua’iga.

E lei iai ni manu’aga o le alii pagota na faia lea gaioiga, ma o loo faaauau pea nei iloiloga o le mea na tupu aemaise o le isi foi mataupu faapea na tupu i le aso 18 o Aperila.

Puna o Faamatalaga: Inmate faces charges after climbing on to roof of Rolleston Prison, second incident in six weeks – NZ Herald