Ua molia i le faaoolima lē na ia osofaia le failauga Peretania ia Kellie-Jay Keen poo Posie Parker a o iai i Aukilani.
Mai leoleo ananafi o lea ua samania lē ua molia e tulai i luma o le faamasinoga faaitumalo i Aukilani, ma o loo iai le talitonuga o Eli Rubashkyn.
A o lei faamautinoa mai e leoleo ananafi ae o lea na muamua faailoa mai e Rubashkyn i luga o lana Twitter account, peitai o le taimi lea ua tuua Niu Sila.
Ae e lei sau lipoti ua tuua e Rubashkyn Niu Sila, o lea na muamua fai mai i le amataga o le vaiaso o loo sauni i le valaau atu o leoleo i le fagu sosi na ia faapasī foliga o le failauga, peitai i nai aso mulimuli ane ae toe faailoa mai ua lagona lona fefe i le tele o faamata’uga ua oo atu ma o le taimi lea ua oo i Ausetalia.
O ananafi na faatoa mautinoa mai ai ua faila le moliaga e tasi faasaga i lē ua molia, o le asō foi lea na faailoa ai e lē ua molia ua sauni e tuua Ausetalia mo Niu Ioka, ma e umi se taimi o le a lē vaaia ai o ia i Niu Sila.
