E to’a 12 tagata na manunu’a ona o le faalavelave tau taavale na tula’i mai i Taupo i le taeao ananafi ma e to’atasi lea ua molia ai.
O le van ma le SUV lea e faapea na aafia ai, ma o le taimi na taumafai ai le isi taavale e pasia le isi, na feto’ai ai loa ma le isi i luga o le State Highway 5.
Mai lea aofa’i o le to’aiva lea na ave e helikopa i le falema’i i Waikato, e to’afā e tigāina ae o isi uma e feololo.
O isi tagata e to’atolu o lea na auina atu e ambulance i le falema’i i Taupo.
Ua molimau ai le Pulenuu o Taupo, o se faanoanoaga tele ia te ia le faalavelave matuiā lenei, ma i lipoti mai leoleo o lea ua molia le avetaavale o le van, 57 tausaga ma e tula’i i luma o le faamasinoga faaitumalo i Tauranga i le vaiaso fou.
Puna o Faamatalaga: eDriver charged after 12 injured — four seriously — in crash near Taupō
