Ua iai lē ua molia i le maliu o si tamaitai loia o Telise Martin mai Aukilani lea na lavea i le taavale i le aso 18 o Aperila ina ua lavea i se taavale i Corinthian Drive i Albany a o agai atu e finauina sana mataupu i le faamasinoga faaitumalo i North Shore.
O lē ua molia o se tamaitai e 62 tausaga, ua molia i le avetaavale faamatala ua mafua ai le maliu.
O Martin 31 tausaga, o se tamaitai loia i le Martelli McKegg Lawyers ma o se tamaitai sa telē lona tomai i lana galuega e pei ona molimau ana uo ma uso a faigaluega.
Na maliu le tamaitai loia ina ua aveina atu i le falemai i se tulaga tigaina ina ua aafia i le taavale na agai tonu atu i le vaega na iai.
