E 17 tausaga le matua o se alii talavou ua molia e leoleo i se vaega o a latou suesuega sa faatino i le gaoiga o se tasi o fale’aiga iloatele i Aukilani.
O le faatalanoaga a le Stuff ma le pule o le Toby’s Restaurant and Bar i le vaiaso nei i le faaitu o Titirangi na faailoa ane ai e le pule o le fale’aiga ua 100 tausaga ae ua tulata ina tapunia ona ua faafā nei ona osofaia i totonu o le lua tausaga.
Sa faailoa e le pule o le fale’aiga i le faatalanoaga lea ni ata mai le cctv o nisi alii e toalua o loo faatumu atoa tagamea i ava malosi mai le itu o loo iai le bar.
Faailoa e leoleo ua molia nei le talavou lea i le osofaiga o le aso 11 o Iulai ma o loo i luma nei le mataupu i le faamasinoga o talavou i Waitakere.
O loo faaauau le suesuega a leoleo i le mataupu lea.
