O se tagata faigaluega ise nofoaga e faia ai siaki ole koviti atoa ai ma seisi alii na o la toalua, ua pueina nei e leoleo ina ua fetauaina na taumafai e gaoia le tusa ma le 1400 o rapid antigen tests mai se nofoaga o le testing site I Melepone.
Ua faailoa mai I lipoti a le 9 News o le aualii e toalua na taumafai e faatino le tulaga lea I le nofoaga I Moonee Ponds ile aso ananafi. Peitai fai mai na taunuu atu leoleo ma pueina loa I laua ia . E 19 tausaga o leisi ma leisi e 23 tausaga. Na toe maua uma mai rapid test kits sa tau gaoia.
Ua molia nei la leisi alii ile gaoi ma ua fuafua e tulai I luma o le faamasinoga ia Iulai.
