O le asō e tulai ai i le faamasinoga se alii ua molia i uta o le fualaau faasāina o le aisa fai mai e toeititi 100 miliona lona tau.
O loo ta’ua e leoleo o le latou suesuega na faia mai lava ia Me o le tausaga lenei pe ā ma le 40 kilo o le aisa sa maua i se storage unit i Alexandria i Sini.
Sa feta’ua’ina e leoleo o le isi vaega o le uta lea na maua mulimuli ane e aofia ai ma le 2.9 kilo o le aisa mai Amerika ma le 1.2 kilo o le aisa mai Pakista, o mea ia na maua uma ia Setema.
O le aso 26 o Setema na pue ai e leoleo se alii e 25 tausaga i le faaitu o Alfords Point i Niu Sa Uelese lava.
Na molia la lea alii i le tele o le mau moliaga.
E lei taliaina le tatala i tua ma o le aso 27 o Setema na tulai ai i le faamasiinoga ma tatala ai loa i tua ae toe tulai i le faamasinoga i le asō.
O loo feta’ua’ina i le lipoti sa faaaogā e le alii lea ni ona id eseese e talia ai uta ia o fualaau faasāina sa fuafua e sapalai pe faatau foi e maua ai lana polofiti.
