O le asō e tulai ai i le faamasinoga le alii lea na pu’e e leoleo i le afiafi ananafi ma molia i le taumafai e gaoi se pisinisi, faaoolima ma faalavelave i se malu o le malo. Mai i lipoti, o lenei alii e pei ona tā’ua na ia taumafai e faatino lea gaioiga faasolitulfono i se tasi o faleoloa i le Gold Coast i le vaega E iai le taulaga faatau.
O le te’a o le 6 i le afiafi ananafi na ulufale atu ai lea alii 41 tausaga ma taumafai e gaoi le Surfers Paradise Boulevard ma na agai ane ma se fana meata’alo ma se jerry can poo se fagupau masani ona utu ai penisini.
Ua tuuaia i lona faaoolima i se tamaitai faigaluega i le faleoloa ma ia faatonuina le tuu ane o tupe ma toe agai ese ai. Peitai mulimuli ane na toe foi ifo i le pisinisi lea ma amata ai loa se vevesi ma se tagata e 68 tausaga sa iai, o se uo a le tamaitai faatauoloa.
Tā’ua i le lipoti na faamanu’alia le tagata 68 tausaga, ae tu’uaia ai le alii 41 tausaga masalomia i lona susunuina o luma o le pisinisi ao lei sola ese.
Maua e leoleo i se fale i Cavill Ave ma pueina ai loa ma e tulai i le faamasinoga.
Puna o Faamatalaga: https://www.9news.com.au/national/man-charged-with-arson-and-robbery-on-gold-coast/b82b3219-cf23-4292-959b-3be4a9320b1f
