E 45 tausaga o se alli mai Broome ua molia i le faaoolima i le mae’a o le feta’ua’ina mai o se tala sa ia faaoolima i tamaiti e toatolu e i lalo ifo o le tai 10 tausaga i se driveway i Broome lava.

Na valaau ane leoleo i le nofoaga lea i le aso ananafi poo le tea o le 2 i le aoauli e suesue le mataupu na lipotia atu faapea o nisi ua solivale le fanua o se aiga e aunoa ma se faatagana, trespass peitai na taunuu atu leoleo ma maua ai se teineitiiti 6 tausaga ma se tamaitiiti 7 tausaga o loo saisai tulou.

O lipoti a le 9News ua faamatala ai na maua atu ai ma se isi tamaitiiti e 8 tausaga fai mai na taofiofia i lea nofoaga ae na sola e lei taunuu atu leoleo.

Fai mai na valaau ane paramedics ina ia faia se siaki i tamaiti e toalua.

Na ta’ua i lipoti o se vaega o mea na tupu na faasalalau sa’o i le facebook e se tasi a o tau valaau atu nisi tagata na iai i le 45 tausaga lea ina ia faamatuu tamaiti e o aemaise tamaiti sa saisai lima.

O se tasi lipoti ua ta’ua ai ae lē o faamaonia, e faapea e taunuu atu se tradesman i le fale lea e faia ai sana galuega ae o loo taeele mai ai tamaiti i le pool poo le vaitaele.

O le faamatalaga a leoleo ua fautuaina aiga o loo aofia i le mataupu lea ina ia tuu le avanoa i le faamasinoga mo se faaiuga o le mataupu ma ua toe tatala i tua lē ua molia e faatalia ai se aso o le faamasinoga.