Ua molia ai nei e leoleo ni alii talavou e to’afā ma ni tamaitai e to’alua ona o le gaioiga na tula’i mai i le taeao o le Aso Gafua o le vaiaso nei, lea na ulufale ai i latou ia i se faleoloa supamaketi i Siusega ma latou aveesea i se gaioiga solitulafono ni oloa mai lea supamaketi. 

Ua faailoa e leoleo i se lipoti a le nusipepa o le Samoa Observer o i latou e to’aono ua molia i le latou gaioiga na faia, lea sa molimauina i se ata video o meapu’eata o le faleoloa sa salalau ma silasila iai le to’atele i luga o le api o foliga. 

Sa taofia i latou i le vaaiga a leoleo.