Ua faamatala e leoleo o ni faiga le mafaufau sei tulou le faaoo o le oti i se tasi o alii e suafa ia Michael Kerr i le tausaga na tea nei e ni alii se toatolu e 22 tausaga, ma le isi toalua e tai 17 tausaga le matutua.
Fai mai leoleo o i latou ia ua molia i le fasiotia o Kerr ma sa pueina mai i latou ia mai Penrith i le Aso Lua ma se tasi o fale sa faia iai suesuega.
O loo feta’ua’ina i le faamatalaga a leoleo o le tamā e 51 tausaga ua maliu na gaoia e le toatolu lea mo sina tupe itiiti ma lana telefoni i le masina o Ianuari i le tausaga talu ai, sa taumafai le aualii lea e gaoia se pamu penisini peitai e lei taunuu ae faasaga ane ai loa osofai ma si tagata lea ma uma ai ma lona soifua.
Ua teena le tatala i tua o talavou e toalua ma e toe tutulai i le faamasinoga ia Mati ae o le alii e 22 tausaga ua teena foi le tatala i tua ma e tatau ona tulai i le faamasinoga i Wollongong i le aso a taeao.
