O le malaga ai o le sui Palemia o le uluai tagatanuu Pasefika e fai ma sui o Niu Sila i le fono a taitai o atunuu Pasefika, e le gata e tāua tele mo Niu Sila a o se mitamitaga tele mo ia.
O lea ua taunuu ma le manuia le faigamalaga a Carmel Sepuloni i Fiti mo le fonotaga faapitoa a le Pacific Islands Forum.
Na faafeiloaia e le Palemia o Fiti ia Sitiveni Rabuka, ma o se feiloaiga foi na faailoa mai ai e Fiti lo latou loto faafetai ia Niu Sila ona o galuega faavaitaimi lea o loo manuia ai nisi o tagata Fiti.
O Fiti foi o se tasi o uluai atunuu ua talia e Niu Sila lana ofo e fia auina mai ona tagata e fesoasoani i galuega toe faamamā o iai nei ona o le afā.
E toa 33 le aumalaga mai Fiti, e aofia ai i latou mai lana ami ma le tineimu e malaga faatasi mai i le vaalele o le a toe foi mai ai Sepuloni i le asō.
I le fonotaga lava lenei, na faafeiloai aloaia ai foi ananafi le toe foi atu o Kiripati i le Pacific Islands Forum.
