O le faai’uga o le la vaiaso, na faataunuuina ai le taamilosaga o atunuu o loo i le vaega tolu o le taaloga lakapi ta’ito’afitu mo se avanoa e saofagā ai i le vaega lua poo le Tier 2 – le vaega ua faaigoaina o le SVNS 2 i Dubai.
O lea na auai atu ai ‘au uma a alii ma tama’ita’i le Manu Samoa ma le Manusina.
E ui i se taumafai o ia ‘au a le atunuu, e le’i mafai ona saofagā atu mo lea taamilosaga tāua.
Na tulaga tolu Samoa mai ana taaloga mo alii; sa manumālō uma i ana taaloga i le pulu, peita’i na malolo i le ‘au a Belgium i le semifinals i ‘ai e 26–14.
Na toe maua le isi o latou manumālō i le ‘au a Hong Kong China i ‘ai 26–14 ia Samoa, i le su’e ai o le tulaga tolu.
Mo le ‘au a Tonga, na mae’a lea taamilosaga ma na o latou mauaina le tulaga 8; māua le malolo o le ‘au ia Hong Kong China i le latou ulua’i taaloga, ae na manumālō ia Colombia, ae peita’i na malolo ia Samoa i le sa’ilia ai o se tasi e sao atu i le semifinals.
O lea na toe iloilo ai ma Colombia, ma o lea na faia’ina ai i lea ‘au.
Mo le ‘au a le Manusina e le’i manumālō i sana taaloga e pei ona iai faatulagaga o pulu, se’i vaganā ai le mālō e tasi na iai i le ‘au a Meixco, na tulaga fitu i lea taamilosaga.
Puna o Faamatalaga: https://www.rnz.co.nz/international/pacific-news/584413/samoa-tonga-miss-out-on-promotion-up-the-sevens-ranks
