Ua mautū nei aso e suesue ai e le Faamasinoga Sili le talosaga a le Peresetene o Faamasinoga o Fanua ma Suafa Fepuleai Atilla Ropati lea ua finau ai e fai se poloaiga a le faamasinoga e faamaonia le filifilia o le Sui Peresetene, Peresetene Lagolago ma se faamasino fou na filifilia e le Komisi o galuega o Faamasinoga o Fanua ma Suafa ma faatautō ia Tesema o le tausaga na te’a nei.
O le amataga o le vaiaso fou e tagofia ai lea mataupu e ala i mau faaletulafono o le a faavae ai finauga a le itu talosaga faapea ma mau tetee a le Ofisa Sili o le Mālō faasaga i le talosaga a le Peresetene o Fanua ma Suafa.
O loo iai se talosaga a le loia sili ina ia tulai le Peresetene e tuuina atu iai ni fesili e tusa o vaega ia ia lāgā i lana talosaga.
Peitai e le’o augofie le Faamasino Sili e talia le talosaga lenei ona o nisi o mafuaaga faasino i aiaiga faaletulafono i le mavaevae ai o galuega a Pulega tau faamasinoga ua iai nei.
