Ua mautinoa nei le avanoa o Ausetalia i le Ipu o le lalolagi i le soka ina ua manumalo le Socceroos i le la taaloga ma le ‘au a Peru i le vaveao analeila. Na faai’u le taaloga i le faia o kiki a ‘au e lua e sailia ai le ‘au manumalo ma o i na faato’ato’a lelei ai e le goal keeper a Ausetalia le kiki a le tama taalo a Peru ma manumalo ai.
O le faalima ai lea sosoo ona ulufale Ausetalia i le Ipu o le lalolagi talu mai le 2006. O se manumalo tāua foi mo le alii faiaoga a Ausetalia, Graham Arnold lea o le a ia ta’ita’ia le ‘au a le atunuu i le Ipu o le lalolagi i lea taaloga i le tausaga nei lava.
O le masina o Novema i le aso 21 agai ia Tesema 19 e faia ai le Ipu o le lalolagi i Qatar.
