O loo silasila nei le malo i le aveesea o nisi o vaega o loo faalavelavea ai galuega toe faaleleia ma le toe fausia o mea talu ona mae’a le afā o Gabrielle.
Ua o latou folafola nei nisi o tulafono fou le Severe Weather Emergency Legislation Bill ia faatino ai lea tulaga.
O le pili lea o le a fetuunai ai nisi o tulafono o loo iai i le taimi nei ina ia sologa lelei le faatinoina o galuega toe faaleleia.
Fai mai le minisita o Kieran McAnulty o galuega toe faaleleia e ao lava ona gasolo lelei.
O le poloaiga o faalavelave tutupu faafuasei mo Te Tai Rawhiti ma Hawke’s Bay (state of emergency) e faamutaina i le asō i le mae’a ai o le fā vaiaso sa faaauau ai.
