E toafā talavou ua ave e leoleo e tusa ma le gaoiina o faleoloa e faaaoga ai taavale i Hamilton.
A o faatupulaia pea le tele o pisinisi aafia ona o osofaiga nei, o le aso ananafi lea na galulue ai leoleo i Waikato ma e le gata o le saisai mai ai o le toafā ae na toe maua mai ai ma le tele o oloa gaoi.
O talavou nei e toafā e faapea e i le va o le 14 ma le 18 tausaga le matutua, ma o le taeao nei e tutulai ai i luma o le faamasinoga o talavou i Hamilton.
O moliaga o le gaoi o loo molia ai faapea ai ma le ave faasolitulafono o se taavale.
