O loo tau sailia pea nei e leoleo le tagata na faatinoina le fasiotia o se tamaitai i se apartment i le itu i Sisifo o Sini i le weekend o le Eseta.
Fai mai leoleo o le po o le Aso Sa na tea nei na maua atu ai le tinomaliu o se tamaitai 42 tausaga i se unit i Merrylands ae o se alii e 38 tausaga e masani i lē ua maliu sa ia viliina atu leoleo.
Na faia iai suesuega e leoleo i le aso ananafi ma toe tatala ai i tua e faatali nisi suesuega a o lei faia ni moliaga.
O le faamatalaga a leoleo o loo latou suesueina nei nisi tulaga e foliga mai o tagata na aofia i le mataupu lenei na sosola ese mai le apartment lea ina ua mae’a ona faaoo le oti i lea tamaitai.
Ua talosagaina nei le lautele ina ia fesootai ane pe a silafia ni faamatalaga i lenei faalavelave.
O se tasi foi mataupu e tali tutusa ma le faalavelave lea na lipotia atu i talafou ananafi na maua atu ai foi se tamaitai e 59 tausaga le matua ua maliu i se unit foi i Mascot ma e tele manuaga i lona tino.
