Ua faagasolo nei su’esu’ega a leoleo i le tinomaliu na maua i Northland i se taavale na mu i luga o se matafaga e lata i Dargaville i le aso ananafi.
Fai mai leoleo na logoina latou i le faalavelave lea o se taavale o loo mu i luga o Ripiro beach i le te’a laititi o le ‘afa o le 10 i le taeao ananafi, faamaonia mai e leoleo na maua iai totonu o lea taavale se tinomaliu.
Faailoa e leoleo i le televise tasi o loo galulue i le taimi nei i le faamautūina o le mea na tupu, ua faailoa foi e leoleo i lea lipoti e leai se sootaga o le faalavelave lea ma le maliu o le tamaitai mai Dargaville o Joanna Mai Sione Lauaki.
Ua faailoa foi o le a faia se su’esu’ega faafoma’i i le tinomaliu e faamautū ai le mafuaaga o le maliu ma nisi faamatalaga e lē o mafai ona faamautūina mai i le taimi nei.
Puna o Faamatalaga: https://www.1news.co.nz/2024/09/10/body-found-in-burnt-out-car-on-northland-beach/
