Ua maua faamatalaga fou e faatatau i le fanau Marokopa i Waikato o loo tuua’ia ai lo latou tama, ma ua toe augani mai ai foi ma le tina mo se fesoasoani. 

O lea o loo tau sailia pea Thomas Phillips ma lana fanau to’atolu, 8, 7 ma le 6 tausaga le matutua ma o le aso 9 o Tesema o le tausaga faato’ā uma atu le aso mulimuli na vaaia ai. 

I tala mai leoleo ananafi o loo faaauau pea ona maua e leoleo Waikato molimau talu ona faasalalau i luga o le Ten7 Aotearoa i le masina lenei o Me, ma ua tele le fesoasoani ia latou sailiiliga. 

E lē o finagalo leoleo e faailoa uma mai le atoaga o molimau ua tuuina atu ona o suesuega faaauau o loo faia pea. 

Ae mai le tina o le fanau o loo sailia, ua ia toe talosaga mai mo se fesoasoani ma ua faaalia foi le popole tele. 
O loo iai masalosaloga o loo iai nisi o loo fesoasoani i le fanau.