Ua maua nei i le iuga o se suesuega na faia i le emergency management system a Niu Sila, le vaega o loo faatonutonuina le tali atu i faalavelave faafuasei i le atunuu, e lē o iai i se tulaga lelei ma e lē o talafeagai ma le tulaga o le auaunaga na mafua ai ona faia.

O le suesuega na faia i le mae’a o matagi malolosi ma tulaga ogaoga o le tau na aafia ai le North Island i le tausaga talu ai.

O le suesuega na faia sa taitaifono ai lē sa avea ma Kovana Sili o le atunuu i tausaga ua tuanai, Sir Jerry Mateparae, na iloa ai e lē o sauni le atunuu e tali atu i ni faalavelave tetele e manaomia vave ai le fesoasoani.

O lapataiga faalauaitele ma fesootaiga e lei lava e pei ona faailoa i le lipoti, e lē o faamalieina foi le tulaga i le puipuiga faalotoifale ma ua faailoa ane e komiuniti i le suesuega o latou faalogona e tusa o le tali atu a le vaega o le puipuiga faalotoifale.

E 14 fautuaga ua faia mai e le suesuega lea e aofia ai la ma le faia o se warning system poo se faailo i taimi o faalavelave tutupu faafuasei faalenatura, siitia o le agavaa o le aufaigaluega tau le puipuiga ma ia faaaofia le Iwi a Maoli, pisinisi ma tagata i faaitu eseese i le faia o fuafuaga mo taimi o faalavelave tutupu faafuasei.

E silia ma le 200 faatalanoaga na faia i lea suesuega ma sa tuu foi le avanoa e faailoa ane ai finagalo o tagata lautele.

Puna o Faamatalaga: https://www.rnz.co.nz/news/national/514982/significant-shortcomings-in-nz-s-emergency-management-system-inquiry