E maua atu ua maliliu le ulugalii matutua i Waitakere i Sisifo o Aukilani, ma a o faasolo pea suesuega o loo masalomia ai le mamoe po’a.
E tusa ma le 80 ma ona tupu le matutua o Alfred ma Gaye Hansen ua uma o laua soifua ma e faapea o lea na maua e le atalii ina ua alu e sue i le taeao ananafi.
I lipoti a leoleo na maua atu o loo iai faatasi le ulugalii ua maliliu ma le mamoe po’a lenei i totonu o le pa ma o lea foi na faasagasaga ane i leoleo le mamoe po’a, ma mo le puipuiga o lea na fana ai loa e leoleo ma mate ai.
I molimau a nisi o le aiga o lenei ulugalii matutua i tala a le Herald, o se tala faanoanoa tele ma o se ulugalii foi e fiafia e tausi manu.
Ua aumai ai ma faamaisega a le Federated Farmers i le aiga mafatia ma sau ai ma le faamanatu i le au fai lafumanu ina ia mataalia.
Puna o Faamatalaga: West Auckland ram attack: Aggressive animal confronted police and was shot dead in paddock with dead Waitākere couple – NZ Herald
