E to’alua tagata ua pu’eina e leoleo i le su’esu’ega na faia ina ua maua le tinomaliu o se tamaitai i ni nai aso mulimuli ane talu ona mua’i maua le vae se’i tulou i autafa o se highway i le Northern Territory. 

O le satini sinia o Paul Morrissey na ia faailoa i le lipoti a le 7News e faapea o loo feta’uaina o se avetaavale o le alii na lavea ai si tamaitai apoliki lea i le Stuart Highway lata i Darwin.  

Feta’uaina le saoasaoa o le taavale a le avetaavale lea 23 tausaga ina ua lavea ai lea tagata i le po o le Aso Gafua o le vaiaso nei. Ua feta’uaina foi e 50 tausaga o le isi tamaitai na fesoasoani i le aveesea mai o le tino maliu o lē na aafia ina ia taumafai ai e nanā le mea na tupu.  

O le to’alua la lea lea ua pu’eina e leoleo ma ua aveina foi a la taavale mo su’esu’ega ma fuafua e faia moliaga i le aso. E lē o iai ni faamaoniga e aiga i laua ia e to’alua i le tamaitai ua aafia. 

O le aso e faataunuu ai le su’esu’ega faafomai i lē ua aafia ina ia faamaonia poo ai tonu sia tagata.