Ua maua e leoleo le tinomaliu o se tamā sa tau sailia mai e lata i vaitafe lata i Lake Macquarie i le vaiaso nei. Fai mai na valaau ane le fesoasoani faavavave i Moonee Beach poo le ‘afa o le lua i le aoauli ananafi i le mae’a o le maua ane o le tinomaliu o se tina pe ā ma le 80 tausaga mai vaitafe i lea faaitu.
Sa taumafai iai galuega laveai peitai e lei manuia ma o le asō la lea faato’ā faailoa mai ai le maua o le tinomaliu o le tamā e masalomia sa iai faatasi ma si tina ua maliu.
Ua ta’ua i le lipoti o le tamā pe ā ma le 70 tausaga le matua ma sa maua e lata i Birdie Beach. O loo faagasolo nei su’esu’ega a leoleo i lenei faalavelave.
