O loo suesueina pea nei e leoleo le maliu o le tama Aukilani na maua I lona fale I le po o le Aso Gafua na faaoo iai e se isi le oti ma o loo tausailia ai nei le tina.
66 le matua o le tama na maua I lona fale i Ellerslie ua maliu, latalata lea I le itula e 8 I le po ma ao faasolo ai suesuega ua faailoa faalauaitele e leoleo le ata o le tina e 67 tausaga ia Mei Han Chong, o loo su’e nei.
O Mei e faamatalaina o se tina Asia, ma o ia foi o le ava a le ua maliu.
Fua I le siomaga na vaaaiga na iai le tama ua maliu, poo le na toe maua e se tasi o le aiga ua uma lona soifua, o lea ua suesueina ai na faaoo iai e se tasi le oti.
Talosagaina le fesoasoani a tagata lautele e faafesootai leoleo pe a silafia nisi faamatalaga I le tina o loo sailia.
