Ua faamaonia ua iai le tagata ua maua i le misela i totonu o Niu Sila.
Mo le uluai taimi faatoa toe faamaonia lea o se tagata ua aafia i le misela talu mai le 2019.
O faamaoniga mai le matagaluega a le soifua malololina e faapea, o le case ua faamaonia o le tagata matua ma e nofo i Aukilani ma e lei faalogoina ni auga a o iai i atunuu mamao, faatoa iloa ina ua mavae le toe taunuu mai ai i le atunuu.
O loo faanofoesea lea case i lona aiga ma o loo faaauau nei foi sailiga ua ta’ua o contact tracing, poo le sailiga o tagata e maualuga le ono aafia i le misela ona o le tagata ua faamaonia.
Ae mo tagata uma, ua toe faamanatu le soifua maloloina e aua le manatu māmā i le misela ona o se gasegase e tigaina toe vave lona pipisi ma e le gata la i tagata matutua e aua le nofoa’i ae vaai se fomai pe afai ua faalogoina pe vaaia auga ae faapea le mautinoa o loo faia tuipuipui o le misela mo le fanauiti.
