Ua faasolo ina le lelei le tulaga o faamatalaga ma faamaumauga o loo mafai ona faamauina ma maua mai e faatatau i le tala o le tau mai atunuu o le Pasefika.
O le iuga lea o se lipoti e faatatau i suiga o le tau lea ua faailoa mai i le asō. O le suesuega sa faaulutalaina Climate Change in the Pacific 2022, sa faalauiloa mai i le vaiaso talu ai e le Pacific Community.
Sa silasila ai i faamatalaga e faatatau i tala o le tau mai atunuu o le Pasefika e 15 ma ua saunoa ai le vaaitau sinia mai le ofisa o le vaaitau i Ausetalia, Simon McGee o le popolega lea ona ua vaaia le faaitiitia o ia faamaumauga ma ua le o toe tele foi.
O lona aafiaga ona o le a laitiiti ai ma le avanoa e mafai ai ona silasila mamao le vaaitau i ni suiga tetele e ono tulai mai i le lumanai aemaise lava i le vasa Pasefika.
O faamaumauga mai satelite o loo iloa ai le vave o le velasia o le pito i luga o le sami ona o le vevela i totonu o le 40 tausaga ua tuanai ma ua maitauina foi le tele o aso vevela i le ao faapea foi ma le po.
