Pe ā ma le silia i le $270 miliona le tau aofai o se uta o fualaau faasāina o le aisa ua maua e leoleo i se uta na taunuu mai Mexico.

O le faamatalaga a leoleo ua o latou mauaina le tusa ma le 300 kilo o le fualaau faasāina sa nanā mai totonu o le uta lea e talitonu leoleo o se taumafaiga e matuai faatupe lelei lona faatinoga.

Na amata ona masalosalo leoleo e pei ona lipotia e le SBS ina ua lē mafai ona scan le uta lea ona o le mafiafia tele o le uamea sa i le pito i tua o mea sa aveina ane ai.

Na faaaogā ai inisinia faapitoa e iai le tomai i tulaga faapea ma ‘ili ai loa le uamea lea ma maua ai i totonu lea uta tele. 

Fai mai leoleo o le ituaiga sapalai lea a faatauina e silia ma le $270 miliona le tupe e maua ai.

O loo faaauau suesuega a leoleo ma e lē o faailoa maia i le taimi nei pe ua iai nisi ua molia i lenei mataupu.