Ua maua lelei i ata a le CCTV i Sini nei ata o le augaoi penisini ua agai nei i pamu penisini, faatutumu taavale ma sosola ese e aunoa ma le totogiina.
O se pamu penisini i Petersham i Sini na maua lelei iai ia ata i le ta o le 11 i le taeao o le Aso Faraile talu ai.
Fai mai na agai ane se alii ma se tank ma faatumu i le penisini e 99 tala na alu ai, ma sola ese loa.
O le isi avetaavale na faatumu le taavale ae agai ane e totogi e decline le card ma sosola ese ai e le totogia.
O le isi taavale e nofonofo lelei le avetaavale i lona nofoa ae utu e le pasese sa i tua o le taavale e fai le matapulepule le penisini, na ona maea lava oso i le nofoa pito i tua ma sosola ese.
Matuai faailoa le le fiafia o pulega o nei kamupani aemaise leoleo ia i latou na faatino nei tulaga, ua avea le taugata o le penisini ma ala ua faatino ai ia amoga ma uiga le talafeagai.
