O le vaiaso fou e amata maua ai fualaau o le Koviti, ma o loo sau ai ma ona aiaiga e tatau ona faamalieina
60,000 fualaau ua taua o le Paxlovid e avanoa mai I lenei tausaga ese ai le isi ituaiga o loo iloilo pea nei e le Medsafe
O le fualaau lenei e tetee atu ai I le vairusi e le mo tagata uma o le a maua I le Koviti peitai e mo I latou e maua gofie I faamai poo nisi aafiaga matuia mulimuli ane pe a maua
O tuutuuga e maua ai fualaau nei o le Koviti e tatau ona vaai le fomai I le gasegase ae le na o se talanoaga I luga o le telefoni, o loo I totonu o le 5 aso talu ona faalogoina auga o le Koviti toe lamatia gofie I isi aafiaga tau le soifua maloloina
Ese mai la I tuutuuga ua aumai e le Pharmac, ua faaopoopo foi le minisita o le soifua maloloina Andrew Little e tatau ona faalogoina auga o le fulu ma e mafai foi ona agavaa ai ma tagata e le I faia tui puipui o le Koviti
