Pe ā ma le 11 miliona le tau pe a faatupeina le 35 tone o vapes na maua e leoleo i totonu o Ausetalia ma o loo masalomia o ia vapes o loo aofia ai le nicotine le vailaau o loo maua foi i totonu o le tapaa.
O suesuega na faia a le Australian Border Force ma le Therapeutic Goods Administration le TGA ua ta’ua ai o ni uta tetele o vapes na maua ina ua taumafai tagata o loo feagai ma le auaunaga lea e aumaia ia vapes i le atunuu.
Fai mai na maua uta ia i Niu Sa Uelese, Vitoria, Kuiniselani ma Western Australia.
Ta’ua e le minisita o le Home Affairs o Clare O’Neil o loo faatino nei se fuafuaga e faaitiitia ai le aofai o vapes i le atunuu faatasi ai ma le faia o ni aoaoga e faatatau i aafiaga o le vape i le soifua o le tagata.
