E 48 tausaga o se alii ua molia e leoleo i le maliu o Tomislav Nemes lea na maua lona tino maliu i totonu o se fale i Gold Coast i le amataga o le tausaga nei.
Na maua e leoleo vaega o le tino o le tagata lea se’i tulou, 69 tausaga le matua i se fale i Edinburgh St i Benowa ina ua faia iai se siaki mo le soifua maloloina.
Na faia suesuega e ala i le Operatn Victor Countryside ma pueina ai loa ma le 48 tausaga lea i Southport ma ua molia nei i le moliaga e tasi o le fasioti tagata.
O le aso ananafi lea sa faatulaga e tulai ai le faamasinoga.
Ua faamatuu e leoleo le ata o lē ua maliu ma le siaki na faia iai atoa ma le nofoaga na tupu ai le faalavelave.
Ua talosagaina e leoleo uo ma aiga o lē ua maliu ina ia fesoasoani ane i le suesuega o loo faagasolo.
