E silia ma le $275 afe le tau aofai o fualaau faasāina ua maua e leoleo mai se fale i Western Sydney i le vaiaso nei a o faia suesuega a leoleo i le sapalai o le fualaau faasāina o le cocaine.
O le taeao ananafi na faia ai suesuega a leoleo i Concord West ma maua ai le 552 kalama o le cocaine ma isi ituaiga fualaau faasāina, e eseese uma igoa faatasi ai ma ni meafaigaluega mo le gaosia o ia fualaau faasāina.
Na pueina ai mai lea nofoaga se alii e 29 tausaga ma ua molia i le sapalaia o fualaau faasāina i ni aofaiga tetele, aemaise o le umia o fualaau faasāina ma le faia o maliega i tupe maua faasolitulafono.
O le asō e tulai ai i luma o le faamasinoga ma o loo teena le tatalaina i tua.
O le taimi nei fai mai leoleo o loo faaauau le latou sailiga.
