Maua e le helikopa a leoleo le alii na ia taumafai e gaoi kiso mai se masini bulldozer o loo tu I Aukilani
A o tali atu ai le helikopa a leoleo i se tasi o ripoti e faatatau i se taavale gaoi i Takanini i Aukilani i le amataga o le vaiaso talu ai, na vaaia ai lē ua molia o loo taumafai e faaaogā le faagaau e gaoia ai le kiso mai le masini bulldozer agai i totonu o fagupa’u.
E 33 tausaga o lē ua tuua’ia, ma o le maua mai ai i luga e le helikopa na fesoota’i ai loa i taavale leoleo ma agai ane ai loa i lea nofoaga.
Na taumafai lea alii e lafi i lalo o le masini, ma i luga o le social media o loo faaigoaina ai e leoleo, e lē ono Vin Diesel lē ua molia.
