Ua ioe le malo e toe aumai credits mo fanau a’oga o le a su’e i su’ega NCEA o lenei tausaga. O lea ua tolu tausaga sosoo o aumai credits faaopoopo nei ona o le aafia o a’oga a fanau i le Koviti.
E tasi le Learning Recognition Credit e faaopoopo i luga o credits e lima e ausia, ma o le maualuga e oo iai credits faaopoopo a le tamaitiiti e mafai ona maua e 10 mo le Level 1, ae 8 mo le Levels 2 ma le 3.
O le endorsement threshold mo tusipasi merit ma le excellence level o lea o le a tuu mai i lalo i le 46 mai le 50.
Mo fanau a’oga o le a ulufale i iunivesite, o le a suia le 14 credits e tatau ona maua e mataupu ta’itasi e tolu, ma o lea o le a 14 credits i le mataupu e tasi mo le na o le lua, a o le isi mataupu e tolu iai o le a tuu mai i lalo i le 12 credits.
O ni suiga ua faia ai a o molimauina pea le sau i lalo o le fuainumera o fanau a’oga o loo faaauau ona a’ooga, ma ua vaavaai le matagaluega o a’oga i nisi fesoasoani faaopoopo e fesoasoani ai i fanau e faauma a’oga.
E le’i ma’oti mai aso o su’ega faai’u o lenei tausaga.
