Search
Photo: Samoa Global

Maua avanoa o le toatele mo galuega faavaitaimi i Ausetalia

E toa 682 tagatanuu samoa lea ua faamanuiaina i avanoa faigaluega i Ausetalia i lalo o le polokalame o galuega faavaitaimi poo le RSE.

Faamaonia mai e le Ofisa Sili o le Matagaluega o le Ofisa o le Palemia ma le Kapeneta, Agafili Shem Leo o le malaga muamua e tuua Samoa i le Aso 3 o Iuni 2021 ma o le ā malaga ai tagata faigaluega e toa 216.

Ae o le faigamalaga lona lua o le a fuafua lea mo le aso 5 o Iuni e agai lea i Victoria Tasmania. Ae o isi faigamalaga e lua mulimuli lea e fuafua mo le aso 15 ma le aso 18 o Iuni o le a malaga ai le toa 300 mo Queensland ma Victoria lava.

O nei avanoa e fesoasoani lea i le atinaega o aiga o i latou ua faamanuiaina ae le gata i lea mo se lelei o Samoa.
Taua e le taitai faaauau le tumau Tuilaepa Lupesoliai Sailele Malielegaoi i lana lauga faamavae ma tagata faigaluega “ia faaoga lelei le avanoa ma manatua o au tu ma au aga faaalia o le ata foi lena o lou lumanai”.

Tala sili ona faitaulia

SAMOA UPDATE

TALA FOU MAI SAMOA

Keep uptodate with Radio Samoa activity & promotion

* indicates required