Ua tau fai mata’itū e le to’atele gaioiga a le Palemia o Ausetalia Anthony Albanese i le taimi nei a o iai i Spain mo le fonotaga a le NATO e pei ona usuia i le vaiaso nei.
O loo lipotia foi le mata’itū e le to’atele pe o le a ia taliaina le valaaulia mai le Peresetene o Ukraine e afea lona atunuu a o iai le Palemia i Europa. E manatu nisi e lē taumate o loo mata’itū mai foi e Saina le tulaga lea pe afea e le Palemia le atunuu o Ukraine ma fai mai Albanese i le lipoti a le 7news o le a ia faalogologo lava i fautuaga a le vaega tau le puipuiga a o le’i taliaina nisi o valaaulia.
O le a feiloai ai foi le Palemia ma ta’ita’i o atunuu e pei o Niu Sila, Iapani ma Korea i Saute a o iai i le fonotaga lea a le NATO i Spain ma na te taliaina le galulue faatasi ma le faateleina o le lagolago faamiliteli e tali atu ai i le faaauau pea ona unaia e Saina o lona tulaga i le INDO Pacific.
