O seisi faiga fou o le PayID taufaasese o loo agai i tagata Ausetalia o loo faatau a latou oloa e le o toe manaomia i luga o upega tafailagi.
Lipotia mai e le NAB o loo vaavaai nei i le faatupulaia o faiga taufaasese ua faia i lea foi ituaiga auaunaga o le lafoina o tupe e faaaoga ai telefoni, imeli poo le ABN.
Fai mai lipoti o le faiga taufaasese fou lea ua siitia i le 38 pasene ua aafia ai ile tausaga na tea nei. Ua fautuaina ai tagata ina ia mataala i lea tulaga ma ia silasila foi iai ma le totoa ina nei maumau ai seleni.
O le tausaga lava ia na tea nei e $260 afe tupe a tagata na lusi i le PAYID ma faiga ia taufaavalea pei ona lipotia e le ofisa o le SCAMWATCH.
