O loo mata’itu e Amerika Samoa e pei ona agiga i se lipoti mai le leitio faavaomalo a Niu Sila i le aso ananafi, luluuga o mafui’e ua faalogoina i le teritori mo ni nai aso ua tuanai atu.
Ta’ua e le US Geological Survey i le lipoti lea o luluuga na faalogoina ma o loo faaaauau pea ma e ono mafua mai i se maugamu ae manatu e lē tutusa ma le maugamu na i Haapai i Tonga i se taimi e le’i mamao atu.
O loo mata’itu foi motu o Ta’u ma Ofu i Manu’a pe o faalogoia ai nei luluuga. O molimau a nisi mai le motu o Ofu e pei ona lipotia e faapea na o latou vaaia le sami e foliga ua mou atu mai le pa’umātu ma faalogoina foi le ta ta mai o logo faailo e sauniuni ai tagata mo ni tulaga o ni faalavelave faalenatura tutupu faafuasei.
O le taimi nei o loo ua fautuaina foi le atunuu ina ia mata’itu ma mataala i tulaga e pei ona iai auā le saogalemu.
