Atonu e le o se mataupu e manatu mamafa iai le toatele peitai e ao foi ona mataala iai mo le itu tau le puipuiga ma le saogalemu.
O le vaiaso talu ai na lipotia mai ai i le UK se afi na sasao ane i totonu o se taavale ae mafua mai i se matatioata sa tuu i luga o le dashboard o le taavale i se aso sa malosi le la.
Ua ta’ua i lea lipoti e le ofisa o le tineimu i Nottingham o le matatioata lea sa taatia i totonu o le taavale ua segaia i le la mo se taimi umi i luga o le dashboard ma iu ai ina sasao ane ai ma se afi ina ua umi ona velasia.
Sa faamatuu mai ai ma se lapataiga mai le ofisa lea o le tineimu i lea atunuu ina ia mataala iai ona e ono aafia ai foi le soifua ma ia faamautu e le o lāina mo se taimi umi ituaiga oloa faapea auā e oo ai i se tulaga lamatia le soifua.
