O suesuega o loo faagasolo a leoleo i solitulafono e lua ua fano ai ni soifua o ni tagata se toalua e aofia ai le Malu o le Malo le susuga Peniamina Perite, e eseese taimi ma aso na tutupu ai.
Ua faailoa e le sui Komesina le susuga Papalii Monalisa Tia’i Keti i le leitio a Niu Sila, o loo masalomia o se mataupu i le va faaulugalii o lē ua nofo taofia nei ma se isi tama tane lea ua maliu i se laau malosi, sa mafuta ma le toalua o Pokati Tuu 58 tausaga le matua.
Ua faailoa ai foi e le sui komesina i lea lipoti o le malu o le malo ua fano le soifua, e lei faaaupegaina i le taimi na faatino ai ona tiute e pei ona sa agai i Fasitoo uta i le Aso Gafua e saili ma pu’e lē ua nofo taofia ona o le maliu o se tama tane i le po o le Aso Sa.
