Na faateia le pitonuu e alaala ai tagata Isaraelu, i le afi na sasao ane i se sunako poo se malumalu tapuai i le itu i saute i sasae o Melepone. Lipotia e le 9news poo le tea o le 4 i le vaveao na sasao ai le afi i le Adass Israel Synagogue Glen Eira Ave i Ripponlea, ma pe a ma le 60 fuimu na galulue i le tineia o le afi ma ua matuā faaleagaina le malumalu.
E leai se soifua na aafia, ae ua amata nei su’esu’ega a leoleo. O se faamatalaga mai se sui o le fono faatonu e pulea le malumalu ua tā’ua ai ua matuai faateia i latou i le afi lea ma e lei iai se manatu e tupu sea tulaga i Melepone ma e fifilemu lava si o latou pitonuu.
E tulai mai le faalavelave ae ua toe lua itula amata talosaga masani o le taeao i le malumalu lea e masani ona auai ai le toa 200agai le 300 o tagata tapuai.
Fai mai isi lipoti o loo masalomia na susunu e nisi ae o loo faatalitali pea suesuega a leoleo.
Puna o Faamatalaga: https://www.9news.com.au/national/suspicious-fire-damages-melbourne-synagogue/b4f7cc7b-ec15-424d-8dba-238cf4066302
