O loo masalomia na susunu e se tasi le fale telē o loo fau a le Kainga Ora i Sasae o Aukilani.
O le taeao o le Aso Gafua na alia’e ai le mu lenei ma o le fale tele na fau ia maua ai le 48 units poo fale a le malo i Huntington e faapitoa mo aiga laiti.
O le molimau a tuaoi e faapea le ofisa o leoleo o se mu na matuai vave ona sosolo ma ona o le telē tele o le galuega na popole ai ma tagata nonofo tuaoi i le ono mu atu ai ma o latou fale.
E mu lenei galuega ua toe ina faapipii iai plasterboards e tusa ma tala a le aufaigaluega.
Ae a o lei tupu le mu, o le galuega lenei e lei fiafia iai le toatele o tagata o lea komiuniti ona o le lē amanaia o i latou i talanoaga o le poloketi, e pei ona fai mai ai o le galuega ua amata ae faatoa tusi atu le Kainga Ora o le a faia le galuega.
E oo mai i le faaiuga o Mati o le tausaga nei e toeititi 300 aiga ma tagata taitoatasi ua pipii igoa i le lesitala mo fale nei a le malo i Sasae o Aukilani.
