I le silia i le 60 o tagata tafafao poo turisi mai Niu Sila, Ausetalia ma Amerika Samoa na tuuina atu o latou suafa i le faalauiloa a le pulega o tagata tafafao ma le faletalimalo o le Taumeasina Island Resort, o se turisi mai Aotearoa ua manumalo i le se’i o lea faalauiloa.
Ma o le a toe maua ai lona avanoa e malaga tafao mai ai i lo tatou atunuu ma nofo fua i le faletalimalo o le Taumeasina ma totogi e le pulega o tagata tafafao isi vaega uma o lana tafaoga.
Na faaalia e le sooupu o le pulega o tagata tafafao o se taumafaiga e ala i le faalauiloa e unaia ai le fia malaga mai i Samoa o turisi.
O loo faamauina o o tatou aiga o loo aumau ma nonofo i atunuu i fafo o loo pito maualuga ai le numera o tulisi e tafafao mai i le atunuu.
Le ofisa sinia o faamatalaga faalauiloa a le pulega o tagata tafafao a Samoa le afioga Taimalelagi Tutuila Farao.
