Ua molimauina le toatele o tagata Pasefika ma Maori ua faaaogāina le polokalame na faia i Waikato e unaia ai aoaoga faapea le soifua maloloina.
E silia ma le 200 na auai i le polokalame na tuufaatasi e faalapotopotoga i Waikato, le South Waikato Pacific Island Community Trust ma St John Ambulance Waikato Area Committee mo le toe faamalamalamaina o le tāua o le agavaa i togafitiga faalesoifua maloloina aemaise o itu o loo faavaatu’ia ai.
Ua molimau ai sui o loo faatautaia o le lē malamalama o tagata le mafuaaga e ala ai ona musu e vaai le fomai, auā ana malamalama i auaunaga faalesoifua maloloina o loo avanoa mai mo tagata uma semanu e lē augata.
O le toatele o tagata Tokoroa na auai e lē iloa auaunaga o loo mafai ona agavaa ai aemaise o nisi o polokalame o loo faia fua e oo lava i le pasi e mafai ona malaga ai i le falemai.
O lenei polokalame na faia i fafo ane o le Tokoroa Medical Centre, ma o se polokalame manuia pe a fua i le toatele o tagata o lea ua faaaogāina.
Ua lipotia o loo toe galulue pulega e lua na faatautaia lenei auaunaga e toe faia nisi polokalame faapenei i le lumanai i Tokoroa.
Puna o Faamatalaga: Māori and Pacific Island health gets welcome boost from market-style event – NZ Herald
