E manatu le palemia o le atunuu Jacinda Adern o le a le tumau pea Aukilani I lalo o lapataiga o loo iai nei I le taimi o le Kirisimasi o lenei tausaga. Lipotia se faamatalaga a le palemia sa faia ina ua aliae finagalo o nisi popoto I tulaga faafomai ua masalomia ai pe ono agai ese Aukilani mai lapataiga o loo iai nei I le taimi o le kirisimasi.
O se faatalanoaga a le palemia I luga o le Breakfast na ia saunoa ai ua feagai pea tagata ma faigata o le faamai ma ina ua fesiligia pe o le a agai ese Aukilani ma le tulaga e pei ona iai nei ile taimi o le Kirisimasi, na tali ai le palemia ioe o lona talitonuga lea ma o le taulaiga foi lea sa iai mo se taimi umi.
O le finagalo faaalia o se tasi o polofesa mai le Iunivesite I Canterbury ua taua ai o fuainumera o loo vaaia nei e foliga o le a faaluaina le aofai o cases ma afai ae faaauau ai pea faapea o lona uiga e ono oo NIu Sila ina ia vaai I le 150 cases I le aso pe a oo ia Novema.
