O le masina o Fepuari o le tausaga fou 2026 le isi iloiloga a le faalapotopotoga o le iuni a malo Europa mo atunuu e pei o Samoa o loo lavea i le lisi uliuli a lea faalapotopotoga tele a le lalolagi.
O le aofia o le tatou atunuu i lea lisi uliuli ona o le silasila a le iuni a Europa o Samoa le isi atunuu o loo lesitala ai kamupani eseese i atunuu i fafo ae lē tototgia ni lafoga.
O se aiaiga e lē o talia e lea faalapotopotoga.
O le pulega o teugatupe faavaomalo a Samoa le SIFA poo le Samoa International Finance Authority o loo lesitala ai ia kamupani.
Ua valu tausaga o iai Samoa i le lisi ae ua iai le fuafuaga a le malo ua tatau ona faamamā le igoa o le atunuu mai lea lisi.
Le Minisita o Tupe afioga Mulipola Anarosa Ale Molioo o loo iai le vaaiga o le SIFA le pulega o teugatupe faavaomalo a Samoa.
Ua pasia i lona faitauga faalua teuteuga o le tulafono o le SIFA o loo mana’omia ai le aveesea o Samoa mai le lisi uliuli a le iuni o Europa.
O le masina o Ianuari o le tausaga e 2028 o loo fuafua le malo e tatau ai ona amata faamamalu ai ia teuteuga fou o le a totogi ai loa lafoga a kamupani i fafo o loo lesitala i Samoa.
