Ua lipotia le manaoga o le Stats NZ ua alagatatau ona toe faatulaga le faiga o le tusigaigoa poo le census ae sui i ni suesuega taitoatasi poo individual surveys.
Ua faailoa i le One News le faatinoina o lea faiga e le sui o le Stats NZ, Indira Stewart ma ua faailoa ai e fai si telē o le fuafuaga o loo fuafuaina e le ofisa mo le agai atu i le lumanai ma le aoina o faamatalaga o tagata Niu Sila.
O le faiga fou lea e faaaogā ai le admin data ma ua faailoa e mafai ona faailoa atu ai finagalo o le atunuu i lea taumafaiga i luga o le upega tafailagi poo le telefoni.
E toatele e lē o manino lelei e pei ona faailoa i le lipoti, i le faaaogāina o le admin data ae poo le ā foi.
O faamaumauga e aoina mai i tusigaigoa ua masani ai le atunuu e fesoasoani lea i le faia o faiga faavae a le malo ma le faatulagaina o tupe e fesoasoani ai i le atunuu ma e tāua tele le sa’o o le faamatalaga e aoina.
O le admin data o faamatalaga ua silafia e le malo e faatatau i le tagata, aoina mai isi ofisa o le malo ma faaapotopotoga sa e fesootai iai ma e mafai foi ona maua mai i isi tusigaigoa ua mae’a faatinoina.
Puna o Faamatalaga: https://www.1news.co.nz/2024/05/28/census-set-for-major-changes-what-this-means-for-you
