Ua toe faatoese le pulega a le Queensgate Shopping Centre i Lower Hutt i le mafuaaga ua mamate ai manulele e mafua ma i ana mailei.
O lea na faaaogā e le fale faatau le gel e pei o se kulu, ma mamate ai le tusa ma le 17 manulele.
O manu uma nei na maua i le vaiaso talu ai faasolo mai i le faaiuga o le vaiaso, ma e faapea e maua ane o loo maumau ai le gel i o latou fulu.
I se tali a le Queensgate Shopping Centre, o lea na faaaogā le repellent gel e faasesegi ai manu nei mai le o atu fai faamoega i luga o le fale, ma ona o le ua tupu o lea ua aveese ai loa i le Aso Faraile o le vaiaso talu ai le gel na o latou muai faaaogāina.
Ua faatoese ai ma le pulega ona o le aafiaga o manufelelei.
Ae mai le SPCA, e leai se tala tele na ona e faapea mai o loo faia nei iai a latou suesuega.
