E iai faigamalaga sa lei faataunuuina i le malaevaalele i Aukilani i le asō ona o le mafiafia o le puao.
O nisi faigamalaga na faatuai ma o le faamatalaga mai le malaevaalele e faapea e 5 ana faigamalaga i totonu lava o le atunuu na faalēaogāina i le asō faapea ma aafiaga i nisi faigamalaga ua toe faasee atu i isi malaevaalele e tulaueleele ai.
Na fautuaina e le pulega o le malaevaalele pasese ma tagata malaga ina ia siaki agai i le upega tafailagi a le kamupani mo faamatalaga aupito lata mai o faigamalaga i le asō.
O le faamatalaga mai le vaaitau na ta’ua ai e tatau ona matafi le puao lea i se taimi o le aoauli.
